नेवा: नेपा: देय्या छगू मू आदिवासी ख: । नेवा:तय् थ:गुहे थाय्बाय्, थ:गुहे एेतिहासिक आदिभूमि दु । थुगु आदिभूमिइ थ:गु हिच:तिया लिधँसाय् थ:गु म्हसीकाया चिं कथं बिस्कंगु कला, साहित्य, संस्कृति, परम्परा, सभ्यता न्ह्याका:, थ:गु मांभाय् छØलावयाच्वंगु छगू सम्पन्न आदिवासी नेवा: ख: । एेतिहासिक कालंनिसें नेवा:तय्सं थ:गु पौरख व शत्तmिया लिधँसाय् थ:गु स्वतन्त्र राज्यसत्ता न्ह्याकावयाच्वंगु ख: । लिच्छिबीकालनिसें स्पष्ट अस्तित्वय् दुगु थुकथंया नेवा: शासकपिनि अधिनस्थ शासनसत्ताया प्रादेशिक लागाया एेतिहासिक म्हसीका ख: ( नेपालमण्डल । थौंया नेवा: स्वायत्त राज्यया लागा क्वछिनाया मू लिधँसा थुगु एेतिहासिक यथार्थ ख: ।
नेपालमण्डल म्हिग: नेवा:तय्सं शासनसत्ता न्ह्याकाव:गु एेतिहासिक लागा ख: थें थुगु लागादुने गुलिखे गैरनेवा: आदिवासीत नं सलंस: दँ न्ह्यवनिसें थ:गु थाय्बाय् दयेका: च्वनावयाच्वंगु सत्य ख: । म्हिग:या नेपालमण्डलदुने दुथ्यागु फुक्कं गैरनेवा: आदिवासी समुदायया अधिकारया सम्मानयासें उपिं गन गन उप्व: उप्व: ल्याखय् थ:थ:गु थाय्वाय् दयेका: पुलांगु इलंनिसें थौंतक च्वनावयाच्वंगु ख: उज्व:गु गां व नगर लागाय् निश्चित रुपं उमिगु हे अग्राधिकार दइ । अथेहे म्हिग:निसें नेवा:तय् शासनया केन्द्र जुयाच्वंगु एेतिहासिक नेपालमण्डलदुनेया गनगन मेमेगु अदिवासीसिबें उप्व: ल्याखय् नेवा:त पुलांगु इलंनिसंे आ:तक थातं च्वनावयाच्वंगु उज्व:गु महानगर, फुक्क उपमहानगर, नगर व गाबिस दुथ्यागु लागा नेवा: स्वायत्त राज्यया लागा ख: । अथेहे थुज्व:गु नगर वा गाबिसनाप स्वानाच्वंगु जल व जङ्गल थुज्व:गु प्राकृतिक श्रोतया ब्याक्क लागा नं नेवा: स्वायत्त राज्यदुनेया लागा खत ।
No comments:
Post a Comment