नेवा: स्वायत्त राज्यया नितिं थीथी राजनैतिक दलनाप आबद्ध जुयाच्वंपिं नेवा: नेतापिं पूर्ण्ात: प्रतिबद्ध जक मखु, थुकिया नितिं थ:थ:गु राजनीतिक दलय् दुने छगू हदतक खँ ब्याकेफुगु स्थितिइ नं थ्यंगु दु । एनेकपा माओवादीया सभासद् दिलिप महर्जनया दावी ला थ:पिनिगु पार्टी हे स्वायत्त राज्यया नितिं मुख्य कर्ता हे ख: । वय्कलं थुकथं खँ तयादिल कि माओवादी दुने नं गुम्हं
बर्म्हूवादी खँय् गुम्हं रिजभर्ेसन दुपिं मनू दु धका: गुगुं गुञ्जायसतकं मदु । तर वय्क:या खँयात नेपाली कांग्रेसया भाजु भीमसेनदास प्रधानं खण्डन यासें नेपा:या संविधानय् संघीय धइगु खँग्व: दुथ्या:गु माओवादीतसें याना: मखु, तरार्इ आन्दोलनं याना: ख: धइगु खँ लुमंका बियादिल । मेखे स्वायत्त राज्यप्रति व्यक्तिगत रुपं पूर्ण: प्रतिबद्ध जुया: नं नेकपा एमाले दुने लाचार किपालु जक ख:ला धका: अनुमान जुयाच्वंम्ह राजेन्द्र श्रेष्ठं नं गुगु लाचारी मप्वंकुसे दावी यानादिल – नेवा: स्वायत्त राज्यया खँय् एमालें आधिकारिक रुपं निर्णय याये धुंकल, फुक्कं जिं घइथेंहे पारित जुइधुंकल, छता निता जक खँ दनि । अथे जूगुलिं शंकर पोख्रेलपिसं छु धयाच्वन धइगु खँया ल्यूने वनां मज्यू । वय्क:या धापूकथं एमालें वय्क:या लाइनयात अधिकारिकता बीधुंकल व एमाले दुनेया बम्हर्ूवादीत आ: आधिकारिक पक्षाय् मखसे विपक्षी पक्षय् ला: वने धुंकल धइगु वय्क:या धापू खनेदत । हानं नेपा: राष्टि्रय पार्टी ला नेपा: राष्टि्रय पार्टी हे जुल । बम्हर्ूतसें नेतृत्व यानाच्वंगु मेमेगु तत:धंगु दलया झ्वलय् हे तयेयंकूगु उगु दलया नाय: डा. केशवमान शाक्ययात भचाहे चित्त बुझे मजू ।
वंगु शनिवा: नेवा: जागरण मञ्चया ग्वसालय् जूगु नेवा: स्वायत्त राज्य सम्वन्धी राजनीतिक नेतात नापया अन्तकिर््रया ज्याझ्वलय् नेवा: स्वायत्त राज्यप्रति थ:थ:गु अवधारणा तयेगु ज्या जुल । थुकि सकसिनं थ:थ:गु व थ:थ:गु दलया विचा: हे न्ह्य:ने तल । तर थौंतक थ्यंबलय् छगू निष्कर्ष धा:सा पिंहा वल कि म्हिग: नेवा: आन्दोलन व राजनीति गथे परम्पराविरोधी तत्व जुयाच्वंगु ख: आ: व स्थितिइ ह्यूपा: वल । "भाषा जाति" कि "राजनीति" ? धइगु खेमाबन्दीया अन्त्य जुल । नेवा: दथुइ वया: हेकुसाद्य: जुया: तत:धंगु भाषण यायेगु अले थासय् थ्यनीबलय् बम्हर्ूवादी नेता नीतिया पक्षपोषण यायेगु दिनया बुलुहुँ अन्त्य जुया वंगु दु । झीगु पक्षय् आपालं ह्यूपा: वये धुंकल, तरत्या:बूया फैसला जुइगु ल्यंहे दनि । वयांल्यू न संघर्ष ला न्ह्याइ हे तिनि । थ:गु क्वथाय् च्वना: नेपालभाषा कविता च्वया: पिकालं नं शासकतय्गु कोपभाजनया शिकार जुइगु इलंनिसें नेपालभाषा मंका: खल:या स्थापनातकया र्इ नं झीगु हे इतिहास ख: । अले नेपालभाषा मंका: खल:या नाय: जुयाच्वंम्ह मनू राष्टि्रय पंचायत थ्यंबलय् नं अन "भाषा" या नां काल धा:सा "जोकर" जुइगु बाहेक छुं लव: मदइगु स्थितिंनिसें कया: संविधानसभाय् हे सभासदत थ:पिनिगु जाति भाष्ााया नापं पुच: मुनीगु अवस्थातकं थ्यन । थ्व झीगु आन्दोलनया हे त:धंगु उपलब्धि ख: । बम्हर्ूवादीतसें आरसिसि ढलान थें याना: दयेकेधुंकूग सेटअपय् छगू तग्व:गु नँ मुगलं छ्यात्तुमत्तु छ्याना: तछ्याये धुनागु दु व झीगु कथंया सेटअप दयेकेत झीपिं न्ह्यचिला च्वनागु दु । वास्तवय् नेवा: जागरण मञ्चया सल्लाहकार भाजु लक्ष्मण राजवंशीजुं धयादीगु खँ नं छगूकथं पाय्छि हे ख: राजनीतिक दलय् दुथ्याना: नेता जुयाच्वंपिं नेतातय्त नेवा: स्वायत्त राज्य मवलं छुं पाइमखु, तर नेवा: जूगु नातां हे बम्हर्ूवादी सेटअपय् नेवा:त न्ह्याक्व त्याग तपस्या या:सा थासय् मथ्यं ।
No comments:
Post a Comment