मानव सभ्यताया आदिम इलंनिसें थौंतक मदिक्क नेपा: देय्दुने थ:गु थाय्वाय् दयेका: च्वनावयाच्वंपिं व यक्व ल्याखय् दुगु छगू मू आदिवासी जाति नेवा: जूगुलिं,थ:गुहे मौलिक ज्ञान, सिप, कलाया लिधँसाय् च्वन्ह्या:गु सभ्यता व वैभवयात धस्वाका: उकिया माध्यमं नेपा: देय्यात तकं अन्तरराष्टि्रय ख्यलय् त:जिक म्हसिकेत तिव: बियावयाच्वंगु नेवा: जातिया एेतिहासिक भूमिका, नेवा:तय्सं राष्टि्रयता, स्वाधिनता, न्याय व स्वतन्त्रताया पक्ष्ाय् ताहाक:गु इलंनिसें यानावयाच्वंगु संघर्ष व योगदानया सही मूल्याÍन मजुसें मगा:गुलिं,बिस्कं भाय, संस्कृति, परम्परा अले सामाजिक संरचनायापाखें थ:त देय्दुने व पिनेया मेमेगु मानवीय जाति, समुदायनाप बिस्कं व स्वतन्त्र ख: धका: म्हसीका बीत ता:ला:गु नेवा: यथार्थय् सभ्यता, संस्कृतिया ल्याखं छगू पूर्णता दुगु राष्ट्र जूगुलि,
संविधान सभायापाखें न्हूगु संविधान च्वया: नेपा: देय्यात न्हूधा:यायेगु झ्वलय् थुगु नेवा: राष्ट्रयात संवैधानिक अधिकार बिसें स्वायत्त व स्वशासित राजनीतिक इकार्इ कथं धस्वाकेत आर्थिक व मेमेगु साधन श्रोतया लिधँसाय् नं संभावना दुगुलिं,
नेपा:यात संघीय लोकतान्त्रिक गण्ातन्त्र देय् दयेकेत संविधान सभापाखें कुत: यानाच्वंगु थ्व इलय् नेवा:त थ:पिन्सं हे एेतिहासिक व जातीय म्हसीकाया लिधँसाय् स्वायत्त राज्यया अधिकार सुनिश्चिता जुइमा: धका: ब्याक्क थ्वयेकावयाच्वंगु स:यात नालाकासे,
आदिवासी अधिकारसम्बन्धी विश्वब्यापी घोषणापत्रया मान्यता, अन्तरराष्टि्रय श्रम संगठन महासन्धी ( १६९ पाखें सकल आदिवासीपिन्त थ:थ:गु एेतिहासिक लागाया प्राकृतिक श्रोतय् अग्राधिकार सुनिश्चितयानात:गु व राजनीतिक व नागरिक अधिकारसम्बन्धी अन्तरराष्टि्रय महासन्धी व आर्थिक, सामाजिक व साँस्कृतिक अधिकारसम्बन्धी महासन्धीपाखें प्रत्याभूतयानात:गु आत्मनिर्णयया अधिकारया खँया ब:कासें, म्हिग:या एेतिहासिक कालय् तहाक:गु र्इतक नेवा: राष्ट्रयात क:घाना: नेवा:तय् आदिभूमिदुने राजनीतिक व प्रशासनिक इकार्इ न्ह्यानाच्वंगु व नेपालमण्डल नामं उकिया अस्तित्व तकं दुगु खँयात लुमंकुसें उगु नेपालमण्डल लागाय् म्हिग:निसें थौंतक मदिक्क गनगन नेवा:त थ:गु आदिभूमि कथं थाय्बाय् दयेकाच्वनावयाच्वंगु व गन गन उपिं मेमेगु आदिवासीत सिबें उप्व: ल्याखय् दु उगु फुक्क लागा दुथ्यागु समष्टिगत भूभाग हे नेवा: स्वायत्त राज्य ख: ।
संघीयताया मान्यता कथं स्वायत्तता, स्वशासन, अग्राधिकार व आत्मनिर्णयया अधिकार छØला: थुगु राज्य न्ह्याकेगु संवैधानिक अधिकार ख: ।
No comments:
Post a Comment