Saturday, December 26, 2009
नेवा: राज्यदुने गैरनेवा: व अल्पसंख्यकतय् अधिकार
नेवा: स्वायत्त राज्य नेवा:तय् म्हिग:निसेंया तहाक:गु इतिहासया सम्मान व आदिवासीतय् थ:गु एेतिहासिभूमी शासन सत्ता न्ह्याकेगु राजनीतिक अग्राधिकारया छगू मूर्त स्वरुप ख: । तर, अथे ख:सां नेवा: स्वायत्त राज्यया लागादुने नेवा:तय् वाहुल्य दुसां थन गैरनेवा: आदिवासी व मेमेगु जात जातिया मनूत नं ताहाक:गु इलंनिसें च्वनावयाच्वंगु खत । उकिं नेवा: स्वायत्त राज्य आदिवासी नेवा:या नापनापं थनदुपिं गैरनेवा:तय् नं मंका:गु सत्ता ख: । आदिवासीतय् अधिकारसम्बन्धी विश्वजन्य मान्यता कथं नेवा: राज्यदुने नेवा: आदिवासीया नेतृत्व व प्रतिनिधित्वय् अग्राधिकार सुनिश्चित जुइ थें थनदुने दुथ्यागु मेमेगु फुक्क गैरनेवा: समुदाययात फुक्क कथंया संवैधानिक कानूनी समान अधिकार सुनिश्चित जुइ । राज्यया फुक्क थासय् जनसंख्याया ल्या: कथं नेवा: राज्यदुने दुथ्यागु गैरनेवा: समुदायया नं समानुपातिक प्रतिनिधित्व दइ । गुम्ह नं गैरनेवा:यात वयागु जाती, उत्पत्तयिा श्रोत व धर्म संस्क ृतिया लिधँसाय् गुगु नं कथं विभेद व अन्यायपूर्ण ब्यवहार नेवा: राज्यपाखें जुइमखु । नेवा: राज्यदुनेया जनसंख्याया ल्याखं म्हो जक दुगु फुक्क जाति समुदाया मनूतय्त अल्पसंख्यकतय् अधिकार सुनिश्चित याना: उमित मा:गु संरक्षण यायेगु जुइ ।
Subscribe to:
Post Comments (Atom)
No comments:
Post a Comment