नेवा:तय् मांभाय् नेपालभाषा ख: । एेतिहासिक कालय् राज्यभाषा, देसभाषा कथं थुगु भाय् छØलावयाच्वंगु खत । सामाजिक, सांस्कृतिक, धार्मिक ल्याखं जक मखु नश्लगत ल्याखं नं विविधता दुगु नेवा: समाजयात छथाय् मा:हनात:गु लिधँसा मांभाय् नेपालभाषा हे ख: । नेवा: छगू भाषिक समुदाय जूगुलिं थ्वया बिस्कं म्हसीका व एकता ल्यंकातय्त नेवा:तय् मांभाय् नेपालभाषा जीवन्त जुइमा: । थुकिया निंतिं मा:गु पला: ल्ह्वनेगु नेवा: स्वायत्त राज्यया छगू मू भाला ख:, थ्वहे खँयात ध्यानय् तसें भाषा नीति नाली ।
नेपा:या गौरवशाली सांस्कृतिक सम्पदा अले नेवा:तय्सं थ: मांभाय्या माध्यमं सरकारी व गैरसरकारी ख्यलय् च्वया: व न्ववाना: अभिब्यत्तmि बी दइगु नैसर्गिक अधिकारया सम्मान यासें नेपालभाषायात नेवा: स्वायत्त राज्यया मू माध्यम भाय कथं छØला यंकि । नेपालभाषाया साहित्य, वाङ्गमय व लिपिया विकास, संरक्षण व सम्बर्द्धनया निंतिं विशेष नीति नाली । नेवा: स्वायत्त राज्यया शिक्षण संस्थाय् आख: ब्वंकीगु व स्यनीगु भाय् नेपालभाषा जुइ । थ्वहे भासं पाठØ ज्वलं दयेकीगु जुइ । नेवा: भाय् मस्त व त:धिकपिन्त अनिवार्य कथं नेपालभाषा स्यानीगु ज्या विद्यालयपाखें न्ह्याकी । अथेहे प्रशासन व न्यायालयदुने छØलाबुलायया मूभाय् नेपालभाषा जुइ । मेखे नेपालभाषा माध्यमं थीथी संञ्चार माध्यम न्ह्याकी । नेवा: स्वायत्त राज्यदुने दुपिं गैरनेवा:तय् भाय्यात नं सम्मान यासें उमिगु निंतिं वैकल्पिक रुपं मेगु छगू भाय् छØलेगु अवसर दइ ।
No comments:
Post a Comment