नेपा: देय्दुनेया थीथी समुदायत मध्ये आर्थिक ख्य:या गतिविध न्हापांनिसें उलिहे सत्रिmय जुयावयाच्वंपिं छगू मू समुदाय नेवा: ख: । थ:गु लजगा: व पुलां परम्परा कथं बनेज्या व उद्योगया ख्यलय् नेवा:तय् त:धंगु थाय् दु । उकिं, नेवा:तय्सं नालीगु आर्थिक नीतिपाखें स्वंय नेवा:तय्त जक मखु मुक्कं नेपा:या अर्थतन्त्रय् त:धंगु लिच्व: लाकी । नापनापं अन्तरदेशीय व अन्तरराष्टि्रय बनेज्याय् न्हापांनिसें नेवा: समुदायया त:धंगु ल्हा: दुगु व उकिया माध्यम देय्या धुकू बलाकेगु ज्या जुयाच्वंगु खँयात लुंमका: नेवा: स्वायत्त राज्यया थ:गुहे कथंया बिस्कंगु आर्थिक नीति दइ ।
राज्यया धुकूयात त:मियायेगु व उकिया लिधँसाय् राज्यदुनेया सकल नागरिकयात सामाजिक, साँस्कृतिक व आर्थिक ल्याखं सम्पन्न यासें समाजय्दुगु फुक्क कथंया विभेद व शोषणयात न्हंकेगु नेवा: स्वायत्त राज्यया आर्थिक नीतिया मू आजु जुइ । कृषिया ख्यलय् मा:गु सुधारयायेत वैज्ञानिक भूमिसुधारया पाय्छिगु नीति नालेगु व वैज्ञानिक भूउपयोगया योजना दयेका: नेवा: स्वायत्त राज्यय् आ: ल्यनाच्वंगु बुँ व खालिगु थाय्यात वातावरण मैत्री व नेवा: साँस्क ृतिक सम्पदा अनुकुल छØलेत मा:गु पला: ल्ह्वनी । नापं कृषियोग्य बुँयात ल्यंकेगु निंतिं विशेष पला: ल्ह्वनी । उद्योग, वाणिज्य व ब्यापारया ख्यलय् नेवा:तय्के एेतिहासिक इलंनिसें दुगु ज्ञान व प्रतिष्ठाया ब:कया: नेवा: स्वायत्त राज्यया माथं आर्थिक समुन्नतिया लागिं विशेष आर्थिक नीति दयेका: विशेषत: नेवा: राष्टि्रय पुंजीपति व उद्योगपतिपिनिगु संरक्षण व सम्बर्द्धनयापाखे मा:गु लँपु लुइकीगु जुइ । नेवा:तय् थ:गु बिस्कंगु कला कौशलया सिपयात र्इ कथं न्ह्यज्याकेगु व उकियात संरक्षण सम्वर्द्धनयायेगु कथंया आर्थिक नीतिपाखें ब:बी ।समताया सिद्धान्तय् आधारित वितरण प्रणाली व प्रगतिशिल करया ब्यवस्था याना: सामाजिक न्यायया लँपुइ राज्यया फुक्क ज्याखँ न्ह्याकी ।
No comments:
Post a Comment